Khalish (pain) hai seene mein, ulfat (love) bhi
Iss tishnagi ko ab allah hafiz

Andhera hai iss kamre me, dil me bhi
Iss khayal-e-zulf ko ab allah hafiz

Ibadat hai uske zikr me, na-manzoori bhi
Iss chuban ko ab allah hafiz

Khata hai uski hasi me, khoobsurti bhi
Iss laalach ko ab allah hafiz

Lihaaz hai uske surat ka, seerat ka bhi
Iss inayat (favor) ko ab allah hafiz

Chehra e qaatil hai, bala bhi
Iss yalgaar (attack) ko ab allah haafiz

Khabar hai unki, khairiyat bhi
Iss taabiz ko ab allah hafiz

Khwahishe hai mushkil, rangeen bhi
Iss kashmakash ko ab allah hafiz

Meethe hai shadb unke, khoobsurat bhi
Iss shikwa (complaint) ko ab allah hafiz

Jaanisaar (ready to sacrifice life) hai kambakht, paagal bhi
Iss ishq-e-junoon ko ab allah hafiz

Kamzor hai yeh ishq, be-pardah bhi
Iss jannat ko ab allah hafiz